Búgin Almatyda Eýrazııalyq úkimetaralyq keńes otyrysy aıasynda Qazaqstan Respýblıkasynyń Premer-Mınıstri Baqytjan Saǵyntaev Armenııa Respýblıkasynyń Premer-Mınıstri Karen Karapetıanmen kezdesý ótkizdi, dep habarlaıdy primeminister.kz.
О́tkizilgen kezdesýler barysynda taraptar sıfrlyq tehnologııalardy engizý jáne ortaq jobalardy iske asyrý salasyndaǵy ekijaqty ekonomıkalyq yntymaqtastyq máselelerin talqylady.
2017 jylǵy qańtar-qarashada Qazaqstan men Armenııa arasyndaǵy taýar aınalymy 5,4 mln dollardy qurady. Qazaqstannyń Armenııaǵa eksporttaıtyn negizgi ónimderi – akkýmýlıatorlar, kótergishter men domkrattar, motorly kólik quraldarynyń bólshekteri, munaı gazdary men kómirsýtekter, sorǵylar. Búgin Qazaqstanda armıan kapıtalynyń qatysýymen 268 kásiporyn qyzmetterin tabysty iske asyryp keledi.
2017 jylǵy maýsymda «Erevan – Astana» reısiniń ashylýy bıznes ortada jáne týrızm salasynda ózara is-qımyldy damytýǵa septigin tıgizip keledi.